Nëse jeni në pushime dhe po mendoni se çfarë filmi duhet të shikoni, atëherë ky është filmi më i mirë që mund të zgjidhni, shkruan InLajmi.
“The Shawshank Redemption” është një film dramatik amerikan i vitit 1994, shkruar dhe drejtuar nga Frank Darabont, bazuar në novelën e Stephen King të vitit 1982, Rita Hayworth dhe Shawshank Redemption.
Ky film jep mesazhe mjaft frymëzuese për të jetuar dhe për të mos hequr dorë asnjëherë nga gjërat që duam.
Më e rëndësishmja, The Shawshank Redemption është një sukses i zhurmshëm artistik në çdo nivel. Jo vetëm që performanca e Freeman dhe Robbins renditet ndër më të mirat e të gjitha kohërave, por Shawshank është i mbushur me personazhe mbështetës të realizuar shkëlqyeshëm që befasojnë dhe magjepsin në të njëjtën masë.
Kjo është historia e shkurtër e filmit; Andi Dufrein është një bankier i cili dënohet me burg të përjetshëm për vrasjen e gruas së tij dhe dashnorit të saj. Në burg ai njihet me Red-in, një tjetër të burgosur për vrasje, dhe kështu fillon një histori burgu dhe respekti të dyanshëm mes 2 burrave.
Nga ky film mund të merrni këto mesazhe:
Do të mësoni se gjithmonë duhet pasur shpresë. Ky film nuk është vetëm një histori shprese, por është shumë më shumë. Filmi na jep një paqyrim të asaj se si në momente më të këqija mund të zëmë miq të paharrueshëm. Ky film na meson se si të përballemi me të kaluarën dhe se si duhet ta lëmë të shkojë. Gjithashtu mësojmë se nëse duam vërtetë diçka nuk duhet të heqim dorë asnjëherë.
Ndryshe, The Shawshank Redemption është vlerësuar si filmi më i mirë në IMDb. /InLajmi/
