Trupat tanë fillojnë të përkeqësohen ndërsa plakemi, sytë nuk bëjnë përjashtim.
Megjithëse rënia e shikimit është një proces natyror që nuk mund të parandalohet domosdoshmërisht, dietat tona mund të bëjnë një ndryshim në shëndetin e syve tanë.
Ekspertët sugjerojnë se ekzistojnë 2 ushqime që mund të ndihmojnë në reduktimin dhe ngadalësimin e humbjes së shikimit për shkak të moshës.
Cilat janë frutat dhe perimet që reduktojnë humbjen e shikimit?
Dr. Nigel Best shpjegon se ushqimet si specat dhe kivit mund të jenë vërtet të mira për shëndetin tonë, veçanërisht sytë. Të dyja këto ushqime janë të pasura me zeaxanthis dhe lutein – përbërësit kryesorë kimikë që gjenden në syrin e njeriut – të cilat mund të zvogëlojnë problemet me shikimin tuaj.
“Kivi nuk është vetëm i pasur me antioksidantë, ai ka një sasi të madhe fibrash, por ka gjithashtu plot vitaminë C dhe vitaminë E”, tha ai, duke shtuar se specat “ju japin sasinë më të madhe të vitaminës C për kalori”.
Dr. Best këshilloi që 3 porcione kivi në ditë mund të zvogëlojnë rrezikun e problemeve të syve të lidhura me moshën me 36 %, gjithashtu rekomandimi që ne të hamë speca të papërpunuar është më mirë pasi gatimi i tyre redukton nivelet e vitaminës C, përcjell Tëvë1.
Ai shpjegoi më tej rëndësinë e vitaminës C, duke thënë:
“Arsyeja pse vitamina C është kaq e rëndësishme është sepse ajo ndihmon në formimin e kolagjenit – një proteinë që kontribuon në strukturën e syve tanë.
