Deputeti i Partisë Demokratike të Kosovës, Bekim Haxhiu ka lajmëruar se grupi pro tërheqjes 30% ka nisur një peticion për të riproceduar në Kuvend Projektligjin për Trustin, përcjell InLajmi.
Të drejtën për peticion Haxhiu thotë se ua garanton Kushtetuta e Kosovës.
Tutje Haxhiu ka thënë se kryeministri Albin Kurti po i konsideron deputetët si robot të tij.
Haxhiu ka theksuar se kush hynë në garë kundër qytetarëve çdo herë do të jetë humbës.
Postimi i plotë i tij:
Ashtu siç e kam paralajmëruar,
Grupi Pro tërheqjes 30% të Trustit do të inicoi Peticion për mbledhjen e 10 mijë nënshkrimeve për të riproceduar në Kuvend Projektligjin për Trustin, ju lumtë!
Këtë ua garanton :
Kushtetuta e Kosovës,
Neni 79 [Nisma Legjislative].
Nismën për të propozuar ligje, mund ta marrë Presidenti i Republikës së Kosovës nga fushëveprimtaria e saj/tij, Qeveria, deputetët e Kuvendit, ose më së paku dhjetëmijë qytetarë, sipas mënyrës së përcaktuar me ligj.
Ndonëse Kryeministri Kurti shfaqi gatishmëri që këtë të drejtë kushtetuese t’ua mohoj deputetëve duke i trajtuar ata si teknokrat apo robot të Albinit, kërkesat e qytetarëve nuk mund të shtypen me arrogancën e numrave të pushtetit.
Kush hynë në garë kundër qytetarëve çdo herë do të jetë humbës.
Shihemi në votimin e radhës për Trustin, deputetë të popullit apo robotë të Albinit./InLajmi/
