Deputetja e Kuvendit të Kosovës, Vlora Çitaku ka thënë se nuk e justifikon aspak qëndrimin e BE-së karshi Kosovës për mosliberalizimin e vizave, mirëpo për këtë ajo fajin ua lë Lëvizjes Vetëvendosje, përcjell InLajmi.
Çitaku thotë se retorika boshe dhe populliste, të cilës i kanë prirë me vite gazi lotësjellës e molotovët janë arsyeja kryesore që Kosova e humbi trenin për liberalizim të vizave që nga viti 2016, atëherë kur Kosova ishte në të njëjtën pako me Ukrainën dhe Gjeorgjinë.
Ndryshe, sot kërkesa e Kosovës për liberalizim të vizave nuk është aprovuar.
Postimi i plotë i saj:
Pa dashur ta arsyetoj për asnjë moment qasjen fund e krye të pajustifikueshme të Bashkimit Evropian karrshi Kosovës dhe liberalizimit të vizave, një mësim shpresoj ta kenë marrë udhëheqësit e institucioneve të Kosovës; retorika boshe dhe populliste të cilës i kanë prirë me vite, gazi lotësjellës e molotovët na e humbën trenin për liberalizim të vizave vitin 2016, atëhere kur ishim në pako me Ukrainën dhe Gjeorgjinë. /InLajmi/
