Deputeti i AAK-së, Besnik Tahiri, ka folur për rezolutën për sigurinë të cilën e ka propozuar AAK-ja në Kuvendin e Kosovës, përcjell InLajmi.
Tahiri ka thënë se është e pakuptim kundërshtimi i shumicës së depputetëve për rezolutën e sigurisë.
Deputeti Tahiri tha se është për keqardhje mosmbështjetja e kësaj rezolute e cila shërben për forcimin e sigurisë në vend.
Postimi i plotë i tij:
I pakuptimtë kundërshtimi i shumicës kundër rezolutës për sigurinë
Në çështjet vitale të interesit shtetëror, do të duhej që mazhoranca t’i lërë inatet politike dhe arrogancën. Mos mbështetja e kësaj rezolute e cila i shërben forcimit të sigurisë në vend, në bashkëveprim me SHBA-të, është për keqardhje.
Kjo është rezoluta e propozuar nga AAK e cila nuk gjeti mbështetjen e shumicës:
- Qeveria e Republikës së Kosovës duhet ta ketë prioritet të parë cështjet që ndërlidhen me siguri;
- Të miratohet dhe procesohet sa më shpejtë në Kuvendin e Republikës së Kosovës, Strategjia e Sigurisë Kombëtare të Kosovës;
- Ruajtja e Partneritetit Strategjik me SHBA në raport me forcimin e FSK-së;
- Njëkohësisht, sigurimi i të gjitha kushteve logjistike dhe armatimi i kësaj ushtrie me mjetet moderne;
- Mbështetja e plotë për Fondin e Sigurisë;
- Krijimi i 3 kushteve normale për Policët:
o Pagë të dinjitetshme – miratimi i Ligjit të Pagave
o Sigurimi Shëndetësor për Policët e Kosovës
o Procedimi i Ligjit për Pensionim të Parakohshëm
- Mbështejta e vazhdueshme për Agjencinë e Kosovës për Inteligjencës. /InLajmi/
