Qeveria e Kosovës ka mbajtur mbledhjen e radhës në të cilën është shqyrtuar çmimi i naftës, raporton InLajmi.
Ministrja e Industrisë, Ndërmarrësisë dhe Tregtisë së Kosovës, Rozeta Hajdari ka thënë se janë disa mospërputhjes mes çmimeve të naftës në vendin tonë.
“Qeveria me akt nënligjor të përcaktojë çmimin e karburanteve të naftës që bëhet për të mbrojtur konsumatorin dhe për të rregulluar konkurrencën. Në bazë të evidencave që ka Ministria e Tregtisë, ka mospërputhje në çmimet e naftës. Udhëzimi në fjalë është përgatitur në koordinim me Ministrinë e Financave dhe me këtë udhëzim propozoj përcaktimin e menjëhershëm të çmimit të naftës. Në emër të Ministrisë së Tregtisë i propozoj qeverisë për rregullimin e çmimit të karburanteve të naftës” tha ajo.
Hajdari i ka propozuar qeverisë që të rregullojë çmimin e karburanteve të naftës.
Qeveria e Kosovës e ka miratuar propozimin e ministres Hajdari./InLajmi/
