Shefi i Grupit Parlamentar të PDK-së, Abelard Tahiri, ka thënë se tërheqja e Trustit është masë e domosdoshme për të lehtësuar ballafaqimin e qytetarëve, përcjell InLajmi.
Tahiri tha se i ka ftuar deputetët e Kuvendit të Kosovës që nesër të votojnë ligjin për tërheqjen e Trustit.
Gjithashtu ai ka thënë se kjo nuk është një betejë politike por është një domosdoshmëri e gjithë qytetarëve të Kosovës.
Postimi i plotë i saj:
Në mungesë të alternativave nga qeveria dhe përballë gjendjes së renduar sociale, tërheqja e një pjese të parave të TRUSTIT është një masë e domosdoshme për të lehtësuar ballafaqimin e qytetarëve me këtë gjendje.
Mundësia për të tërhequr një pjesë nga paratë e kursyera në këto rrethana, ka qenë kërkesë e drejtpërdrejtë e qytetarëve, prandaj i ftoj të gjithë deputetët e Kuvendit të Kosovës dhe veçmas ata të mazhorancës, që nesër ta votojnë projektligjin që mundëson një gjë të tillë.
Kjo nuk është betejë politike por domosdoshmëri konkrete dhe kërkesë e të gjithë qytetarëve pa dallim. /InLajmi/
