Komiteti Olimpik i Kosovës, ka uruar kryetarin e Federatës së Xhudos së Kosovës, Agron Kuka, për emërimin e tij në cilësinë e anëtarit të Bordit Ekzekutiv të Unionit Evropian të Xhudos, si dhe në pozitën e drejtorit sportiv të EJU-së, përcjell InLajmi.
Sipas Komitetit Olimpik të Kosovës, ky është një lajm i mirë për sportin e Kosovës.
Gjithashtu thuhet se drejtuesit e sportit do të zënë vend të rëndësishëm në institucionet ndërkombëtare.
Njoftimi i plotë nga Komiteti Olimpik i Kosovës:
Komiteti Olimpik i Kosovës përgëzon kryetarin e Federatës së Xhudos së Kosovës, Agron Kuka, për emërimin e tij në cilësinë e anëtarit të Bordit Ekzekutiv të Unionit Evropian të Xhudos (EJU) dhe në pozitën e drejtorit sportiv të EJU-së.
Emërimi i Kukës në këto pozita është lajm i mirë për sportin e Kosovës, ku krahas rezultateve mbresëlënëse të sportistëve në arenën ndërkombëtare, dalëngadalë edhe drejtuesit e sportit po zënë vend të rëndësishëm në institucionet ndërkombëtare. /InLajmi/
