Deputeti i LDK-së, Armend Zemaj, ka thënë se kryeministri i Kosovës, Albin Kurti, po ndihet inferior ndaj kryeministrit të Shqipërisë, Edi Rama.
Zemaj ka komentuar takimin e sotëm mes 2 qeverive, duke thënë se kishte batuta të panevojshme dhe nivel të ulët komunikimi që tregon se rivaliteti politik mes 2 kryeministrave e ka bërë të veten.
“Sjellja tregon at far inferioritetin në kuptimin e gjykimeve e pamë në bisedat dhe kishte edhe batuta ku ne nuk kemi nevojë të ulemi në atë nivel të komunikimit. Ajo ishte në gjuhën popullore sikur të themi ‘nuk të bëj asgjë’. Ti je sillur para disa ditëve se ti je këtu e nuk të llogaris e tani ja kthen se unë jam këtu e jam i pari mes shqiptarëve. Është për konsum politik”, ka thënë ai.
Tutje ai në emisionin “Pressing” në T7 ka shtuar se lehtësirat që janë premtuar në marrëveshjet mes dy qeverive duhet të jenë konkrete.
“A ju kujtohet në kohë pandemie me VV-së në Shqipëri. Kjo ka ndikuar në raportet mes 2 vendeve. Në kuptimin anasjelltas ne kemi edhe taksën rrugore. Ajo që po përdoret lehtësia, sepse po përdoret shumë, duhet të jenë shumë konkrete e të mos përdoret vetëm për foto të bukura”, përfundoi ai.
