Infermierët dhe stafi mbështetës i angazhuar për koronavirusin kanë protestuar para ndërtesës së Qeverisë për shkak të mosvazhdimit të kontratave, raporton InLajmi.
Bekim Ahmeti inspektor sanitar i angazhuar në luftën kundër pandemisë ka thënë se janë gjithsej 1270 punëtorë që kanë qentë të angazhuar në luftën kundër koronavirusit.
Ahmeti tha se kanë mbetur që nga 1 qershori pa kontrata të vazhduara.
“Kemi dal këtu së bashku me stafin mbështetës dhe infermierët në përfaqësim të 1270 punëtorëve që kemi qenë të angazhuar në luftën kundër koronavirusit dhe prej 1 qershor kemi mbet pa kontrata të vazhduara. Ne si inspektorat sanitar kemi pasur edhe takime me nivelet më të larta qeveritare por ende nuk kemi ndonjë përgjigje çka do të bëhet. Jemi 1270 staf mbështetës në luftën kundër koronavirusit. Inspeksionet e Kosovës e kanë për detyrë ta ruajmë shëndetin publik andaj duhet të na ruajnë ne. Ne sot në vend se të punojmë për ruajtjen e shëndetit publik jemi duke protestuar”, tha ai.
Gjithashtu ai tha se Inspeksionet e Kosovës e kanë për detyrë që ta ruajnë shëndetin publik. /InLajmi/
