Presidenti i SHBA Joe Biden tha të hënën se nuk ka gjasa të vizitojë Ukrainën kur të udhëtojë në Evropë këtë fundjavë, transmeton InLajmi.
Biden tha nuk dëshiron të shkaktojë më shumë vështirësi për ukrainasit.
I pyetur përsëri nëse ai pritej të udhëtonte në Ukrainë ndërsa ai ishte në Gjermani dhe Spanjë për samitet e G7 dhe NATO-s, Biden tha se në këtë udhëtim, nuk ka gjasa.
Biden nuk e ka vizituar Ukrainën që kur vendi ka qenë nën pushtimin rus.
Në vend të kësaj, ai ka dërguar Sekretarin Amerikan të Shtetit Antony Blinken dhe Sekretarin e Mbrojtjes të SHBA Lloyd Austin, si dhe zonjën e parë Jill Biden, shkruan CNN.
Në lidhje me faktin nëse ai ka besim se Ukraina do të bëhet anëtare e Bashkimit Evropian, Biden u tha gazetarëve se mendon se ka shumë gjasa që të ndodhë./InLajmi/
