Presidenti Volodymyr Zelensky ka bërë udhëtimin e tij të parë në vijën e frontit jugor të shkatërruar nga lufta të Ukrainës, ndërsa forcat e tij po bëjnë një përparim të ngadalshëm në rajon, transmeton InLajmi.
Duke vizituar qytetin e mbrojtur të Mykolaiv, ai inspektoi ndërtesat e dëmtuara dhe takoi ushtarë, zyrtarë dhe punonjës shëndetësorë.
Udhëheqësi ukrainas vizitoi gjithashtu qytetin perëndimor të Odesës, i cili i është nënshtruar bombardimeve periodike ruse që nga fillimi i luftës.
Të 2 qytetet janë objektiva në përpjekjet e Rusisë për të kapur bregun e Detit të Zi.
Zelensky është takuar rregullisht me liderët ndërkombëtarë në Kiev që kur Moska tërhoqi forcat e saj nga kryeqyteti, pasi kishte vendosur të ripërqendrojë përpjekjet e saj në pushtimin e rajonit lindor të Donbasit, shkruan BBC.
Por ai gjithashtu ka sfiduar trupat ruse duke shkuar në zonat ku luftimet janë ndezur dhe javët e fundit ka vizituar qytete të tjera të vijës së parë, duke përfshirë Kharkivin në lindje. /InLajmi/
