Banorët e Ekuadorit përdorën goma të djegura, trungje pemësh dhe gurë për të bllokuar hyrjen në kryeqytetin Quito në shenjë proteste kundër çmimeve të larta të karburantit, transmeton InLajmi.
Protestat dhe bllokimet e rrugëve u regjistruan në 15 nga 24 provincat e Ekuadorit, thanë autoritetet.
“Ne erdhëm të kërkojmë të drejtat tona sepse paguhemi me çmime të ulëta për produktet që prodhojmë,” tha Nelson Jami, një fermer nga provinca jugore Cotopaxi.
Banorët e Ekuadorit, nisën një protestë të hapur antiqeveritare të hënën, së cilës i janë bashkuar studentë dhe grupe të tjera të pakënaqura.
Prodhuesi i naftës Ekuadori është goditur nga rritja e inflacionit, papunësia dhe varfëria e përkeqësuar nga pandemia e koronavirusit, shkruan Dawn.
Çmimet e karburantit janë rritur ndjeshëm që nga viti 2020, pothuajse duke u dyfishuar për naftën nga 1 në 1.90 dollarë dhe nga 1.75 dollarë në 2.55 dollarë për benzinën. /InLajmi/
