Disa muaj mund të duken veçanërisht emocionues për shikimin e yjeve kur i hedh një vështrim të parë, transmeton InLajmi.
Qershori 2022 është një nga ata muaj. Gjysma e 2-të e qershorit është e mbushur me ngjarje interesante astronomike.
Nga asteroidet dhe fshehjet tek “rreshtimi i madh” i planetëve vizualë, në qershor ka shumë për të parë! Përveç gjithë kësaj, Rruga e Qumështit dominon qiellin e natës së qershorit në hemisferën veriore dhe është më e lehtë për t’u parë sesa e kuptoni.
Merrni dylbi ose teleskopin, një batanije dhe dilni për të parë mrekullitë e qiellit të natës së qershorit.
Të paktën 4 nga planetët (Venusi, Marsi, Jupiteri dhe Saturni) do të jenë të dukshëm me sy të lirë në qiell gjatë natës.
Për 3 planetët e mbetur (Merkuri, Urani dhe Neptuni), dylbitë ose një teleskop bëjnë të mundur që shikuesit e yjeve të vëzhgojnë tërësinë e planetëve të sistemit tonë diellor.
Kjo do të jetë e mundur gjatë një periudhe prej pothuajse 2 javë, sipas përllogaritjeve të Institutit Francez të Astrologjisë (IMÇE).
Mes 14 dhe 27 qershor 2022, planetët dhe hëna do të formojnë një vijë që do të jetë e dukshme në fund të orëve të natës. Momenti optimal për të vëzhguar shtrirjen e rrallë parashikohet të jetë 22 qershori.
Është interesante se ky fenomen ka ndodhur për herë të fundit në dhjetor 1997, por nuk do të përsëritet deri në nëntor 2124, shkruan Space Toourism Guide.
Ata që dëshirojnë të ndjekin këtë event do të duhet të zgjohen herët – rreth orës 04:30 dhe madje 04:00 në ditët në vazhdim e sidomos në 22 qershor. /InLajmi/
