Ministrja e Punëve të Jashtme, Donika Gërvalla në konferencë për media me homologun e saj turk, Mevlut Cavusoglu pas takimit që e patën në MPJD, raporton InLajmi.
Gërvalla ka thënë se gjatë këtij takimi u nënshkrua një marrëveshje mes Republikës së Kosovës dhe asaj të Shqipërisë për rritjen e numrit të fluturimeve mes Kosovës dhe Turqisë.
Gjithashtu ajo foli edhe për rolin e Turqisë pas agresionit të Rusisë në Ukrainë dhe në Ballkan.
“Republika e Kosovës e ka të qartë përcaktimin e saj për integrimin në të gjitha strukturat euroatlantike. Si një anëtare e fuqishme e NATO-së pas sulmit rus në Ukrainë Turqia ka ofruar përkrahjen si ndërmjetësuese dhe po ashtu është aktive në Ballkan si ndërmjetësuese neutralë mes Serbisë dhe të tjerëve. Kosova ka qëndrim të qartë, Rusinë dhe Serbinë jo vetëm si faktorë agresiv por edhe destabilizua për të gjithë rajonin ton”.
Po ashtu Gërvalla u shpreh mirënjohëse ndaj Mevlüt Çavuşoğlu, për kontributin që dha shteti turk në fushën e Arsimit dhe shëndetësisë për Kosovë.
“Shpresoj që përpjekjet për ndërmjetës të NATO-së BE por edhe të Turqisë që Serbisë dhe separatistëve serb në Bosnjë dhe Hercegovinë të u pamundësohet që nën hijen e agresionit rus në Ukrainë dhe me ndihmën e Rusisë të destabilizojnë Ballkanin perëndimor dhe Evropën”, tha Gërvalla.
Gërvalla tha se diskutuan për bashkëpunimin në arsim, trajtimin e pacientëve nga Kosova në Turqi si dhe trajnimin e stafit shëndetësor atje.
“Me ministrin biseduam edhe rreth angazhimit të Turqisë në mbështetjen e dhënë në fushën e Arsimit dhe dëshirojmë që ta zgjerojmë këtë bashkëpunim. Po ashtu i shpreha mirënjohje Qeverisë Turke për ndihmën në fushën e shëndetësisë, për dhënien e trajtimit pa pagesë të pacientëve nga Kosova dhe mundësinë e trajnimeve për punonjësit shëndetësor”. /InLajmi/
