Partia Demokratike e Kosovës ka reaguar ndaj vendimit të Gjykatës Supreme për ndryshimin e aktvendimit të Gjykatës së Apelit, duke vendosur në favor të ZRRE-së për tarifat e shtrenjta të energjisë, raporton InLajmi.
Deputeti i PDK-së, Faton Avdullahu ka thënë se PDK e kundërshton ashpër këtë vendim të Gjykatës Supreme, duke e konsideruar si vendim të ndikuar politikisht nga qeveria aktuale.
“Gjykatat Supreme e ka anuluar vendimin e 2 Gjykatave të stadit më të ulët, konkretisht Gjykatës themelore në Prishtinë dhe Gjykatës së Apelit. Të 2-ja këto gjykata kanë qenë të një mendimi se kjo rritje është bërë edhe në kundërshtim me ligjin, edhe në kundërshtim me përpjekjen tashmë të munguar qytetari i Kosovës të mbrohet nga shtrenjtimi i energjisë elektrike”, ka thënë zëdhënësi i PDK-së, Faton Abdullahu në konferencë për media.
“Ne si Parti Demokratike e Kosovës e kundërshtojmë ashpër këtë vendim të Gjykatës Supreme duke e konsideruar atë si vendim të ndikuar politikisht nga qeveria aktuale”.
Sipas Avdullahut, Gjykata Supreme duket se ka qenë e prirë nga interesa të tjera klanore, karrieriste dhe posaçërisht politike. /InLajmi/