Anëtari i Kryesisë së PSD-së, Frashër Krasniqi, ka mbajtur një konferencë për medie, ku edhe ka thënë se arrestimi i Dardan Molliqajt gjatë protestës së djeshme u bë në mënyre brutale nga Policia e Kosovës, raporton InLajmi.
Ai ka parlajmëruar se PSD do ta paraqesë rastin në Inspektoriatin Policor për policin, i cili ushtroi dhunë gjatë protestës së djeshme.
Shumë prej ju keni qenë dëshmitarë të një intervenimi politik dhe brutal nga policia e Kosovës. Dardan Molliqajt i është dërguar qëllimisht urdhërarresti. E dyta Policia e ka njoftuar gjykatën që nuk e ka njoftuar Dardan Molliqajn dhe brenda të njëjtës ditë kanë lëshuar urdhërarrest me datën 1 qershor”, tha Krasniqi.
Molliqaj tha se polici B.Sh është militant i VV-së.
Këto ngjarje, Krasniqi i quajti forma të kapjes së shtetit, forma të totalitarizmit dhe përdorim të policisë e gjykatave për qëllime politike.
“Ai polic i dhunshëm është B.Sh. që shihet që është militant të VV-së. I njëjti polic është që i quan deputetët e opozitës “gërdi”. Jemi duke fol qartë për një militant të VV-së, i cili jo që nuk suspendohet kur bënë postime politike por edhe i qet me i rreh deputetët e opozitës. Stili i tyre është tamam stil i pushteteve të vjetra. Ne sot do e paraqesim rastin edhe në Inspektoratin Policor ku do ta paraqesim këtë polic dhe policët e tjerë që kanë ushtruar dhunë”, tha Krasniqi. /InLajmi/
