Veteranët e UÇK-së edhe pas takimit me Kurtin nuk arritën që të dakordoheshin dhe të arrijnë një marrëveshje, raporton InLajmi.
Kryetari i Shoqatës së Familjarëve të Dëshmorëve të UÇK-së, Xhavit Jashari pas takimit ka thënë se gjatë takimit nuk kishte gatishmëri nga ana e Qeverisë për reflektim, kështu që ai paralajmëroi se veteranët nuk do të ndalen, ata do të kundërshtojnë fuqishëm deri në realizimin e së drejtes.
“I bëmë kërkesë që kundërligjshëm, nga një ligj që nuk është i zbatueshëm, sepse në radhë të parë duhet të bëhet kategorizimi në ligjin e ri dhe e obligon qeverinë që të zbatoj Ligjin me Pagën Minimale në ligjin bazik deri të bëhet kategorizimi i veteranëve të luftës të UÇK-së. I treguam edhe ministrit që ke bërë shkelje ligjore dhe kërkesa jonë ishte që të kthehet në ligjin bazik, dhe kalkulimi i benefitit të veteranit të llogaritet në bazë të pensionit që është i paraparë në Projektligj të pagës minimale. U pa se nuk ishte gatishmëri që të reflektojnë dhe ne jemi këtu dhe do ta kundërshtojmë fuqishëm deri në realizimin e së drejtës”
Tutje Jashari theksoi se gjatë takimit ia ka cekur ministrit të Financave se me ligjin për pagën minimale kanë bërë shkelje.
“E presim dhe përgjigjen me shkrim dhe propozimin që do bëjnë kryeministri dhe ministri i Financave. Ishim aty për t’ju thënë se kanë bërë shkelje ligjore. Folëm dhe për listat e veteranëve. Kemi biseduar se nuk është detyrë e ministrit dhe kryeministrit lista e veteranëve. Unë që jam pjesë e këtij procesi ju thash që shkalla e parë ka vendos pro komisionit se nuk është gjetur shkelje, por presim dhe me ri-gjykim. /InLajmi/
