Zëdhënësi i PDK-së, Faton Abdullahu ka thënë se ministrja e Drejtësisë, Albulena Haxhiu është e përfshirë për çështjen e rrymës në Gjykatën Supreme.
Për këtë, Abdullahu, tha se do të dalin dhe të flasin më konkretisht për involvimet e Ministrisë së Drejtësisë në Gjykatën Supreme.
“Për ndikimin politik për çështje të rrymës do të dalim dhe të flasim më konkretisht, për çka ne konsiderojmë se kemi të bëjmë më Ministrinë e Drejtësisë dhe involvimet që janë bërë më herët, kohëve të fundit në Gjykatën Supreme” , tha ai, në emisionin “Ditari” në Tëvë1
Sipas tij, Haxhiu është e përfshirë “tërthorazi” në Gjykatën Supreme.
“Ministrja Haxhiu është përfshirë në formë të tërthortë të cilën ne si Parti Demokratike do ta shpjegojmë dhe të japim të dhëna”, tha më tej Abdullahu.
