Kryetari i AAK-së, Ramush Haradinaj, ka uruar Ushtrinë e Shteteve të Bashkuara të Amerikës, për 247-vjetorin e themelimit të saj, përcjell InLajmi.
Haradinaj për këtë ditë historike të Ushtrisë së SHBA-ve, i ka falënderuar për ndihmën që i dhanë Kosovës dhe popullit në momentet më vendimtare.
Gjithashtu ai tha se është krenarë që Ushtria e Kosovës qëndron përkrah tyre në shumë misione të paqes, me shpresën që të bashkëpunojnë edhe në Aleancën Veriatlantike të NATO-së.
Postimi i plotë i tij:
Ushtria e Shteteve të Bashkuara të Amerikës, mbron lirinë, demokracinë, paqen dhe sigurinë botërore. Sot në 247-vjetorin e themelimit të saj, kujtojmë sakrificën, trimërinë dhe përkushtimin e burrave dhe grave që shërbyen e shërbejnë në këtë ushtri dhe që janë bërë frymëzim për ushtritë dhe demokracitë në botë.
Në këtë ditë historike, urojmë popullin, Ushtrinë dhe institucionet amerikane, me falënderim dhe mirënjohje të thellë për ndihmën që i dhanë Kosovës dhe popullit të saj në momentet vendimtare historike dhe për mbështetjen që vazhdojnë të ofrojnë për një Kosovë e rajon më stabil e më të sigurt.
Krenar që Ushtria jonë qëndron përkrah tyre në shumë misione të paqes, me shpresën që të bashkëpunojmë edhe më ngushtë në Aleancën Veriatlantike NATO.
Urime ditëlindja! #247 U.S.ARMY. /InLajmi/
