Deputetja e PDK-së, Blerta Deliu-Kodra, ka reaguar pasi është votuar ligji për pagën minimale, duke thënë se kjo është një sulm i drejtpërdrejt kundër e luftëtarëve të lirisë, ku kontributi i tyre nuk ka të paguar, përcjell InLajmi.
Deliu ka thënë se veteranët e UÇK-së, kanë qenë të gatshëm të vdesin për Kosovën dhe se paga e tyre për pagën minimale është duke folur hapur për respektin si shoqëri ndaj atyre, që flijuan gjithçka për lirinë që gëzojmë sot.
Gjithashtu ajo tha se, nuk janë duke kërkuar lëmosh për veteranët por se janë duke kërkuar më të paktën për ta.
Postimi i plotë i saj:
Mospërfshrija e luftëtarëve të lirisë në Ligjin për Pagën Minimale është sulm i drejtpërdrejtë mbi dinjitetin e tyre! Kontributi i tyre nuk ka të paguar!
Kjo Qeveri po i trajton si barrë të shoqërisë. Ky përçmim ndaj më meritorëve për lirinë e Kosovës fyen historinë dhe shtetin tonë. Themelet e shtetit nuk kanë mbirë nga toka, por nga gjaku dhe sakrifica e luftëtarëve tanë të lirisë! Të nëpërkëmbësh luftëtarët tanë të lirisë do të thotë të shpërfaqësh Kosovën një shtet pa themel. Ata kanë qenë të gatshëm të vdesin për vendin dhe përfshirja në pagën minimale më së paku ka të bëjë me çështjen financiare sa flet hapur për respektin tonë si shoqëri ndaj atyre që flijuan gjithçka për lirinë që gëzojmë sot.
Ne nuk po kërkojmë lëmoshë për veteranët. Po kërkojmë më të paktën e mundshme që mund ta bëjmë për ta. Sepse, borxhin ndaj tyre nuk mund ta lajmë asnjëherë!
Ne po kërkojmë mbrojtjen e vlerave tona sublime!
Duke fyer në këtë mënyrë veteranët, po fyejmë historinë tonë!
Nëse Qeveria ka këtë qëllim shoqëria duhet të reagojë! /InLajmi/
