Deputetja e PDK-së, Blerta Deliu-Kodra, ka kritikuar Lëvizjen Vetëvendosje duke i thënë se kanë një kulturë gënjeshtre, përcjell InLajmi.
Deliu, ka thënë se ndihma që është kërkuar nga lista Serbe për të persekutuar veteranët nuk e mbulon sepse u bë në pikë të ditës me diellit.
Gjithashtu ajo tha se çdo përpjekje tjetër dhe çdo veprim tjetër do të jetë e kotë.
Postimi i plotë i tij:
Përfundimisht Vetëvendosje e ka kulturë gënjeshtrën! Po e dëshmojnë me fanatizëm.
Ndihmën e kërkuar nga Lista Serbe për t’i persekutuar veteranët nëpermjet një projektligji përçmues nuk ka mjegull që e mbulon sepse u bë në pikë të ditës me diell. Dhe ky nuk është një rast i vetëm, por vazhdimësi e fushatës së kahmotshme e këtij koalicioni në përpjekjen për të shuar çdo gjurmë të UÇK-së dhe luftës për çlirim, duke mos zgjedhur partner, si me rastin e sotëm të bashkëveprimit me Listën Serbe.
Përpjekja për çdo arsyetim tjetër është e kotë. /InLajmi/
