Në fjalimin e tij tradicional me një video natën vonë, Presidenti i Ukrainës Zelensky tha se Rusia po dërgonte “rekrutë të trajnuar dobët dhe ata të mbledhur nga mobilizimi i fshehtë” në rajonin lindor të Donbasit, transmeton InLajmi.
Sipas tij, Rusia po vendos forca rezervë në Donbas për të mbështetur sulmin e saj në qytetin Severodonetsk, “ku luftime shumë të ashpra po zhvillohen për çdo metër”, si dhe Lysychansk, Bakhmut dhe zona të tjera.
“Rusia mund të kalojë kufirin e 40.000 trupave të saj të humbur tashmë në qershor. Në asnjë luftë tjetër në shumë dekada nuk kanë humbur kaq shumë,” tha ai, duke akuzuar gjeneralët rusë se e shohin popullin e tyre si “ushqim topash”, shkruan BBC.
Ai u bëri thirrje edhe një herë liderëve botërorë që të ofrojnë Ukrainës sisteme moderne të mbrojtjes raketore, duke përmendur viktimat nga sulmi i fundit raketor në Ukrainën perëndimore. /InLajmi/
