Kryetari i Komunës së Prizrenit, Shaqir Totaj ka takuar disa ish-ushtarë të UÇK-së, në Ditën e Çlirimit të Kosovës, përcjell InLajmi.
Totaj ka thënë se është i lumtur që jetoi në Epokën e UÇK-së.
Tutje ai tha se brezave të rinj do t’ua mësojmë, çdo ditë, burimin e lirisë.
Postimi i plotë, i tij:
Në ditën e rilindjes së tyre, me kënaqësi, krenari dhe respekt të veçantë, prita heronjtë e gjallë të UÇK-së, të cilët, në kohën kur Kosova ishte në rrezik që të mos ekzistonte më, këto gra e burra i dolën para okupatorit që ta ndalnin, njëherë e përgjithmonë, presionin shekullor.
Jam i lumtur që e jetuam Epokën e UÇK-së dhe brezave të rinj do t’ua mësojmë, çdo ditë, burimin e lirisë sonë.
Lavdi dhe faleminderit Çlirimtarë! Lavdi Dëshmorëve e Martirëve!/InLajmi/
