Presidentja e Kosovës, Vjosa Osmani ka takuar refugjaten kosovare, Sherife Lutën dhe ka shprehur admirimin e saj për qëndresën stoike, përcjell InLajmi.
Osmani ka thënë se Sherife Luta është personifikim i qëndresës së popullit dhe kujtesë e eksodit të dhunshëm të shkaktuar nga regjimi gjenocidal serb më 1999.
Tutje ajo ka shtuar se Luta është një nga gratë tona stoike, të cilat nuk u dorëzuan në luftë, siç nuk dorëzohen as sot në paqe.
Postimi i plotë, i saj:
23 vjet më parë, Sherife Luta u bë personifikim i vuajtjeve të refugjatëve kosovarë. 23 vjet pas, sot ajo ishte e ftuara ime kryesore në manifestimin për ditën e çlirimit.
Sherifja është personifikim i qëndresës së popullit dhe kujtesë e eksodit të dhunshëm të shkaktuar nga regjimi gjenocidal serb më 1999. Ajo është një nga gratë tona stoike, të cilat nuk u dorëzuan në luftë, siç nuk dorëzohen as sot në paqe!/InLajmi/
