Deputetja e Kuvendit të Kosovës, Mimoza Kusari-Lila ka uruar Ditën e Çlirimit të Kosovës, përcjell InLajmi.
Në kuadër të kësaj dite, deputetja ka marrë pjesë në organizimin që u mbajt në Bllacë të Hanit të Elezit për nder të Ditës së Çlirimit, ku edhe morën pjesë shumë liderë të lartë shtetëror.
Kusari-Lila ka rikujtuar se sot 23 vjet më parë Kosova e ka ndjerë lirinë si dhe shpëtimin nga agresioni shumëvjeçar serb.
Deputetja ka thënë se historia më e bukur dhe më e fuqishme do të mbetet ajo e nënës Sherife Luta, e cila bëri historinë kur u portretizuar me vajzën 6-muajshe Besën, gjatë kohës kur po largohej nga fshati i saj. Kusari-Lila tha se ajo fotografi i pushtoi ballinat e gazetave të lajmeve nëpër botë.
Kusari-Lila theksoi se sot do të kujtojmë dhe do të nderojmë të gjithë ata që sakrifikuan dhe luftuan për këtë liri e këtë shtet.
Postimi i plotë i saj:
Sot 23 vite më parë Kosova e ndjeu lirinë të fitojë mbi luftën dhe agresion shumëvjeçar Serb mbi shqiptarët e Kosovës.
Sot në Bllacë të Hanit të Elezit, u përkujtua kjo ditë e veçantë me të gjitha nderimet dhe simbolikat që meriton data. Më e bukura dhe më e fuqishmja është ajo e Nënës gjidhënëse nga koha e luftës, znj. Sherife Luta e cila bëri historinë kur u portretizua me vajzën gjashtë muajshe Besën, gjatë largimit nga fshati i saj Ivajë i Kaçanikut i cili granatohej nga forcat Serbe në Mars 1999. Forografia e cila pushtoi ballinat e gazetave u shkrep nga fotografi i Reuters-it, boshnjaku Damir Sagolj.
Sot, 23 vite pas, jo vetëm që Sherifja mbijetoi, por edhe vajza e saj Besa bebe asokohë, pret bebën e saj të parë. Familja Luta është rritur dhe shtuar bashkë me Kosovën dhe ato sot janë dëshmi e gjallë e vuajtjes së një kombi dhe e fitores tonë mbi të keqen.
Sot kujtojmë dhe nderojmë të gjithë që sakrifikuan dhe luftuan për këtë liri e këtë shtet, e ndërsa shprehim mirënjohjen tonë, nuk duhet të harrojmë kurrë se vlerësimi më i lartë nuk është vetëm të themi fjalë, por të jetojmë sipas tyre.
Gëzuar dita e çlirimit Kosova jonë 🇽🇰❤️. /InLajmi/
