Deputeti i Lidhjes Demokratike të Kosovës, Avdullah Hoti ka uruar 12 qershorin Ditën e Çlirimit të Kosovës, përcjell InLajmi.
Hoti ka thënë se kontributi i gjithsecilit dhe mbështetja e SHBA-së sollën lirinë për popullin tonë.
Tutje Hoti tha se kemi nevojë të forcojmë miqësitë e themeluara nga arkitekti i shtetit të Kosovës, Presidenti Rugova.
Hoti gjithashtu ka thënë se Zoti duhet ti bekojë miqtë e shtetit të Kosovës.
Postimi i plotë i tij:
Urime 12 qershori – Dita e Çlirimit të Kosovës!
Kontributi i gjithësecilit, mbështetja nga ShBA dhe shtetet e NATO-s e sollën këtë ditë të madhe për popullin tonë.
Në këtë kohë të ridefinimit të rendit botëror – të një rendi që garanton paqen, demokracinë liberale dhe ekonominë e lirë të tregut – kemi nevojë të forcojmë miqësitë e themeluara nga arkitekti i shtetit të Kosovës, Presidenti Rugova.
Zoti e bekoftë Republikën e Kosovës!
Zoti i bekoftë miqtë tanë!/InLajmi/
