Krejt kjo për shkak se në Kuvend ende nuk është votuar përbërja me kryetarin dhe anëtarët e rinj të bordit.
Si pasojë, një numër i madh i tenderëve janë bllokuar, konfirmon përmes një përgjigjeje me shkrim OSHP-ja.
“Organi Shqyrtues i Prokurimit ju njofton se për vitin 2021, në mungesë të bordit kanë mbetur pa u shqyrtuar gjithsejtë 626 ankesa të kompanive të ndryshme për aktivitete të ndryshme të prokurimit kurse edhe rreth 190 ankesa të tjera të cilat janë parashtruar në vitin 2022”, thuhet në përgjigje.
Sipas Drejtorit Ekzekutiv të Institutit të Kosovës për Drejtësi, Ehat Miftarajt, kjo situatë shton mundsitë e keqpërdorimeve të buxhetit dhe procedurave jo të rregullta të tenderimit.
“Në këto raste kryesisht shkohet përmes rrugëve të rregullta ligjore ose shkohet në Gjykatën kompetente ku Gjykatave u nevojiten 3 ose 4 vite për ta marrë një punë një lëndë të tillë dhe ka mundësi apo siç ka dëshmuar praktika, kur tenderët e fituar operatort ekonomik i kanë kryer shërbimet dhe tek kur Gjykata ka vlerësuar se tenderi ka qenë jo në rregull, pasoja ka ndodh por nuk ka mundur të kthehet në rrugën e mëparshme, është dëmtuar buxheti dhe konkurrenca”, tha ai, raporton tëvë1.
Kurse, gjithë kjo situatë ka dëmtuar edhe komunat, ku kryetari i Asociacionit të Komunave të Kosovës, Sazan Ibrahimi thotë se dhjetëra miliona euro nuk janë investuar për projekte të ndryshme.
