Trupat e 7 personave u gjetën të shtunën, 2 ditë pasi një helikopter u rrëzua në veri të Italisë, transmeton InLajmi.
5 trupa u gjetën fillimisht, sipas Korpusit Kombëtar të Shpëtimit Alpin, por trupat e 2 të tjerëve në bord u gjetën më vonë të shtunën.
“Helikopteri, i cili ishte zhdukur që nga e enjtja e 9 qershorit, ishte nisur nga aeroporti Lucca me 7 pasagjerë dhe u gjet sot, në malin Cusna, i shkatërruar plotësisht”, tha Agjencia Kombëtare e Sigurisë së Fluturimeve të Italisë në një njoftim për shtyp.
Mbetjet u gjetën në Monte Cusna, në Apeninet në rajonin verior të Emilia-Romagna, disa kilometra larg Toskanës.
Viktimat janë piloti nga rajoni Veneto dhe 6 pasagjerë, 4 me kombësi turke dhe 2 me kombësi libaneze, të cilët ishin në një udhëtim pune në Itali.
Konfirmimi zyrtar u dha nga prefektura e Modenës, shkruan CNN.
Helikopteri duket se është rrëzuar në shtratin e përroit, Lama, në Passo degli Scaloni, 1,922 metra mbi nivelin e detit./InLajmi/
