Vizita e kancelarit gjerman Olaf Scholz në Kosovë, pritet t’i jap mbështetje të madhe procesit të Berlinit dhe dialogut Kosovë-Serbi, thotë për Ekonomia Online, Njohësi i Marrëdhënieve Ndërkombëtare, Shqiprim Pula.
Tha ai se krahas këtyre temave, do t’i kërkohet Kosovës t’i zbatojë marrëveshjet e arritura në Bruksel.
“Vizitën e kancelarit gjerman Olaf Scholz duhet kuptuar mbi 4-tër arsye kryesore. E para, rëndësia e ardhjes së tij që viziton vendin tonë nga një nga një tyre të planifikuar që do ti bëjë gjithë Ballkanit Perëndimor. Arsyeja e 2-të që do t’i jep mbështetje padyshim procesit të Berlinit dhe me siguri do të njoftoj Qeverinë e Republikës së Kosovës edhe për një datë të mundshme se kur do të zhvillohet takimi radhës”.
“Arsyeja e 3-të është se do të konfirmohet procesi i vazhdimit të dialogut ndërmjet Kosovës dhe Serbisë dhe do të kërkohet gjithsesi 2 qeverive për të vazhduar procesin e normalizimit të raporteve të cilat aktualisht janë jonormale. E 4-ta me siguri do të kërkoj dhe do të insistoj po ashtu ndaj 2 qeverive tona për zbatimin e marrëveshjeve të arritura në Bruksel. Marrëveshje të cilat kanë ngecur si rezultat i mosvullnetit politik por natyrisht edhe ndryshimit të administratave në vendit tinë dhe zgjedhjet që ishin në Serbi dhe konfirmimi i Vuçiqit përsëri si president i Serbisë”, tha ai.
Teksa ka folur për vizitën e kancelarit gjerman në Kosovë, Pula tha se Gjermani e ka rolin parësor në Union Evropian. Këtë sipas tij, Gjermania do ta dëshmojë fuqishëm, shkruan ekonomia Online.
“Pas daljes së Britanisë së Madhe nga Unioni Evropian, Gjermania tashmë ka rolin parësor dhe përmbajtjesor për sa i takon të gjitha temave të Unionit Evropian në drejtim të Ballkanit Perëndimor dhe veçanërisht karshi Kosovës. Gjermania në këtë rast do të tregoj fuqishëm lidershipin e saj karshi Ballkanit dhe nevojave të domosdoshme si vëmendje për ecurinë e të gjitha proceseve në rajonin tonë”, tha tutje Pula.
