2 këngëtarët, Noizy dhe Yll Limani, të cilët dallohen për zhanrin e muzikës nga njeri-tjetri kanë bashkuar forcat për të realizuar një bashkëpunim, shkruan InLajmi.
Është hera e parë që 2 këngëtarët kanë vendosur të bashkëpunojnë në një projekt, por që përzierja e 2 rrymave të ndryshme muzikore ka rezultuar që kjo këngë të jetë unike, me ritme verore dhe padyshim që do të jetë hit i kësaj vere.
Kënga titullohet “Alkool” dhe flet për dashurinë, më konkretisht për varësinë që është krijuar ndaj një personi, e që këngëtarët këtë varësi e lidhin me alkoolin.
Teksti i këngës është shkruar nga Yll Limani, Tonic x Denk, Noizy.
Ndryshe, ka shumë pak orë që është publikuar kjo këngë, por komentet pozitive nga fansat e kanë “vërshuar” platformën Youtube. /InLajmi/
