Komisioni Hetimor Parlamentar në lidhje me procesin e vendimmarrjes në sektorin e energjisë për periudhën 2006-2022, nuk ka votuar listën e dëshmitareve qe do të ftohen për intervista, raporton InLajmi.
Anëtari Komisionit Hetimor Parlamentar, Armend Muja, ka thënë se vendim i këtij komisioni ka qenë që të gjithë bartësit të jenë më listën e dëshmitarëve.
“Përgjithësisht ka qenë vendim i këtij komisioni që të gjithë bartësit të jenë më listën e dëshmitarëve. Kështu kemi vendos në takimin e fundit. Në këtë fazë unë nuk isha detajuar në emra. Ne kur të jemi gatshëm me votu listën ashtu siç jemi marr vesh në mbledhjen e kaluar… pastaj a janë relevantë sa janë ne mund të vendosim rrugës. Për çdo tematikë dhe është e arsyetuar ne jemi të gatshëm të mbështesim, s’jemi të gatshëm me pas persona jorelevant për ta hup vëmendjen këtij komisioni. Ne kemi emra të tjerë që do ti propozojmë javën e ardhshme ne sot e votojmë listën ashtu siç jemi dakordu në mbledhjen e kaluar”. tha ai.
Muja tha se ka emra të tjerë që do ti propozojnë javën e ardhshme sepse sot është votuar lista siç janë akorduar në mbledhjen e kaluar.
Deputetja e LDK-së, Rrezarta Krasniqi ka thënë se kësaj liste ti shtohen edhe drejtorët e KEK-ut, Adil Jonuzi dhe Fadil Sejdiu dhe Martin Berishaj.
“Kësaj liste te drejtorët e KEK-ut kish qenë mirë ti shtohen edhe Adil Jonuzi, drejtor i minierave gjithashtu edhe Fadil Sejdiu drejtor i burimeve njerëzore në KEK. Gjithashtu në këtë listë kish dashtë me qenë edhe Martin Berishaj, unë nuk e pashë, kemi diskutu me qenë” tha ajo.
E deputetja e AAK-së, Time Kadriaj tha se është parë që ka emra që janë përsëritur por që munden me thirr edhe një herë që të raportojnë për periudhat kur ka shërbyer.
“Besoj që lista është hartuar ashtu siç jemi dakorduar. Po shoh që ka përsëritje të emrave, po nëse është përsërit emri, ne mundemi me thirr një herë dhe le të raportoj për periudhat kur ka shërby”. /InLajmi/
