Gjendja me aksidente nuk është përmirësuar aspak në vendin tonë, krejt kjo si pasojë e pakujdesisë dhe mosrespektimit të rregullave të trafikut, përcjell InLajmi.
Brenda 24 orëve kanë ndodhur 46 aksidente me dëme materiale dhe 24 me të lënduar, çka na tregon qartë se shifra e aksidenteve dita-ditës vetëm po rritet.
Policia e Kosovës gjatë gjithë kohës po u bën thirrje qytetarëve të Kosovës, që të kenë kujdes të shtuar në trafik, pasi numri i aksidenteve dëshmon për një gjendje alarmante me të cilën po përballet vendi ynë kohëve të fundit.
Kështu, gjatë 24 orëve Policia e Kosovës ka shqiptuar 1649 gjoba për mosrespektim të rregullave të trafikut. /InLajmi/
