Zbulimi i një anijeje luftarake në thellësinë e detit është cilësuar si gjetja më e rëndësishme detare që nga Mary Rose, transmeton InLajmi.
Anija “Gloucester” ishte rrëzuar në brigjet e Great Yarmouth, Norfolk, në 1682.
Ekspertja detare Prof Claire Jowitt tha se kjo anije ishte e “rëndësisë ndërkombëtare”.
Vendndodhja e saktë e Gloucester-it ishte një mister.
Në këtë anije kishin vdekur qindra pasagjerë dhe gati tërë ekuipazhi.
Megjithatë, Duka i atëhershëm i Jorkut u largua nga anija që po fundosej me pak çaste dhe vazhdoi të mbetej trashëgimtari katolik i fronit protestant në një epokë të shënuar nga trazira fetare dhe politike.
Zbulimi premton të ndryshojë rrënjësisht të kuptuarit e historisë sociale, detare dhe politike të shekullit të 17-të, shkruan BBC.
Ky zbulim po cilësohet si një shembull i jashtëzakonshëm i trashëgimisë kulturore nënujore me rëndësi kombëtare dhe ndërkombëtare, pasi do të shihet historia e plotë e udhëtimit të fundit të Gloucester-it dhe pasojat që mund të kenë çuar në fundosjen anijes. /InLajmi/
