Është bërë një vit prej se zyrtarisht liroi detyrën e ambasadorit në Maqedoninë e Veriut. Por, i shkarkuari, Gjergj Dedaj, vazhdon të mos i ketë mirë raportet me familjen presidenciale Sadriu.
Ai tha se “e presidenten Osmani nuk kam pas kontakt asnjëherë në jetën time, dhe me presidenten Osmani nuk do të kem kontakt asnjëherë në jetën time”.
E këtë raport të thyer, sigurisht e ka si pasojë edhe të shkarkimit nga ambasada në Shkup.
Dedaj, që është president nderi i Partisë Liberale, thotë se Vjosa Osmani-Sadriu “për mu nuk është Presidente, një Presidente që është e obliguar me mbrojt unitetin e gjithë qytetarëve të Kosovës, komunitete fetare etnike, bënë dallime, edhe mafioze, do thosha, ai ose ajo nuk mundet me qenë presidente e vendit”, shkruan Klan Kosova.
I njëjti ka folur edhe për bashkëshortin e presidentes, Prindon Sadriun, sa ishin kolegë punë në ambasadën e Kosovës në Maqedoninë e Veriut. Dedaj tha se “ai ka ardh sipas dëshirës së tij, nuk ka qëndruar fare në Shkup, nuk ka pas orar, Ka pas raste me muaj të tërë nuk ka ardh në punë edhe pse pagën e ka marrë”.
