Kryetari i PDK-së, Memli Krasniqi ka përkujtuar legjendën e futbollit kosovar, Fadil Vokrrin, në përvjetorin e katërt të vdekjes së tij, përcjell InLajmi.
Krasniqi, në një postim në Facebook tha se Fadil Vokrri ishte futbollist i papërsëritshëm, Kryetar i jashtëzakonshëm i FFK-së dhe personalitet që në vete ngërthente virtyte të larta njerëzore.
“Modest, punëtor i madh e gjithmonë i këndshëm me të gjithë. Mik besnik e i dashur, me të cilin shumë sfida e suksese i kemi kaluar me një buzëqeshje në fund. Miku im Fadil, faleminderit për shembullin e sportistit elitar, për ndërkombëtarizimin e futbollit tonë dhe për miqësinë e sinqertë. Na mungon shumë!”, shkruan kryetari i PDK-së.
Postimi i plotë i tij:
Sot bëhen 4 vjet që kur legjenda e futbollit tonë, Fadil Vokrri, na la fizikisht. Pa lamtumirë, pa zhurmë, pa ankesa – ashtu siç jetoi për gati 58 vjet.
Përtej sukseseve të tij si futbollist i papërsëritshëm, Kryetar i jashtëzakonshëm i FFK-së, Fadili na mungon edhe më tepër si njeri e personalitet, që në vete ngërthente virtyte të larta njerëzore.
Modest, punëtor i madh e gjithmonë i këndshëm me të gjithë. Mik besnik e i dashur, me të cilin shumë sfida e suksese i kemi kaluar me një buzëqeshje në fund.
Miku im Fadil, faleminderit për shembullin e sportistit elitar, për ndërkombëtarizimin e futbollit tonë dhe për miqësinë e sinqertë. Na mungon shumë! /InLajmi/
