Aministrata Tatimore e Kosovës ka njoftuar se për 5 mujorin e parë të këtij viti kanë realizuar 15,276 vizita përmbushese tek bizneset, si rezultat i konstatimeve në teren janë lëshuar 3,534 gjoba mandatorë, si dhe 184 gjoba për mallin e gjetur pa dokumentacion, përcjell InLajmi.
Sipas ATK-së vlera e gjobave mandatorë ka shkuar deri në 1.2 milion euro.
ATK-ja ka njoftuar se këto gjoba kanë ndikuar në rritjen e të hyrave të Kosovës.
Njoftimi i plotë, i Administratës Tatimore të Kosovës:
ATK realizon 15,276 vizita përmbushëse
Inspektorët tatimor për 5 mujorin e parë të këtij viti kanë realizuar 15,276 vizita përmbushëse tek bizneset, si rezultat i konstatimeve në teren janë lëshuar 3,534 gjoba mandatorë, si dhe 184 gjoba për mallin e gjetur pa dokumentacion. Vlera e gjobave mandatarë shkon deri në 1.2 milion euro, kurse sa i përket mallit pa dokumentacion 155, 387 euro. Aktivitetet operative të cilat realizohen bazuar ne Planin Vjetorë të punës, kanë hasur edhe në konstatime tjera, siç është ajo e mungesës në stoqe, qarkullimit dhe tatimit shtesë.
Pa dyshim aktivitete operative të kryera kanë dhënë rezultat në rritjen e të hyrave. Për këtë periudhë kemi rritje për 70.2 milion euro apo 28.9%, ku totali i inkasimit arrin vlerën e 312.7 milion euro.
Trajtimin e evazionit tatimor përveç me aktivitete rutinore, hetime tatimore, ATK do ta bëjë edhe përmes projekteve përmbushëse, si ai në fushën e ndërtimtarisë, gastronomisë/hotelerisë, mallit pa dokumentacion dhe mungesës në stoqe, si dhe mos-deklaruesve./InLajmi/
