Klubi italian, AC Milan raportohet se ka arritur marrëveshje me yllin e Lillës, Renato Sanches.
Kampionët e Italisë, prej kohësh janë duke e kërkuar portugezin, dhe sipas mediave italiane, tashmë është arritur akordi mes milanistëve dhe lojtarit.
“Milan ka rënë dakord për kushtet me Renato Sanches. Ai do të fitojë rreth 3 milionë euro në vit”, shkruajnë mediat italiane.
‘Rossonerët’ tashmë janë duke biseduar me Lillen për gjetur marrëveshjen për Sanches për të cilin skuadra franceze kërkon rreth 20 milionë euro, shkruan RTK.
Siç raportohet, marrëveshja mes Milanit dhe Lilles mund të arrihet javën e ardhshëm.
