Rreth 300 civilë ukrainas, kryesisht gazetarë dhe aktivistë publikë, po mbahen në burgjet e improvizuara në Kherson dhe 300 të tjerë në vendbanime të tjera të pushtuara në rajonin e Khersonit, sipas të dërguares së presidentit ukrainas për Krimenë, Tamila Tasheva, transmeton InLajmi.
Tasheva tha se ka rreth 600 persona në rajon që janë “në të vërtetë pengje dhe po mbahen në bodrume të pajisura posaçërisht, në fakt burgje”.
“Ata po mbahen në kushte çnjerëzore dhe torturohen. Dëshmitarët raportojnë klithma që mund të dëgjoheshin nga vendet ku qytetarët tanë u nënshtroheshin veprimeve të tilla të paligjshme,” tha ajo në një konferencë shtypi, shkruan BBC.
Ajo tha se disa civilë po zhvendosen nga rajoni Kherson në Krime dhe po mbahen si “pengje civilë dhe robër lufte”. /InLajmi/
