Ministri i Financave, Punës dhe Transfereve, Hekuran Murati, në Komisionin për Shëndetësi dhe Mirëqenie Sociale, ka prezantuar masat e veçanta dhe aktivitetet e Ministrisë në fushën e mirëqenies sociale, raporton InLajmi.
Murati ka përmendur mbështetjen për familjet që kanë humbur anëtar nga koronavirusi skemat sociale dhe për pensionistët si dhe mbështetjen për gratë lehona dhe fëmijët.
Gjithashtu ai tha se ka pasur mbështetje edhe për lehonat, ku tha se nga gushti është filluar me zbatimin e kësaj mase.
“Kemi pasur një sërë masash tek mbështetja për familjet që kanë humbur familjarë nga Koronavirusi me nga 1500 euro, me ç’rast kanë marrë këto mjete secila familje. Jemi mundur të përkujdesemi për ato familje që kanë humbur një anëtar të familjes. Kemi pasur mbështetjen edhe për skema sociale si dhe mbështetja për pensionistë. Për këto kategori kemi pasur rritje 30 % për skema sociale. Tek pensioniste kemi bërë rritjen 11% për rritje bazike. Kemi shpërndarë kuponë ushqimor për mbi 10 mijë familje ku kanë përfituar nga 60 euro. Janë shpërnda 300 mijë shujta. Kemi pasur mbështetje edhe për lehonat, ku nga gushti kemi filluar me zbatimin e kësaj mase. E kemi parë të nevojshme të mbështesim edhe gratë e punësuara përveç lehonave që të marrin 6 muaj mbështetje”, tha Murati.
Më tej tha se e ka parë të nevojshme të mbështetin edhe gratë e punësuara përveç lehonave që të marrin 6 muaj mbështetje. /InLajmi/
