Real Madridi ka arritur marrëveshje verbale me Monacon për transferimin e Aurelien Tchouameni.
Mediumi britanik “The Athletic” shkruan se “Los Blancos” me këtë rast do t’ia paguajnë klubit mbretëror francez plot 100 milionë euro.
2 klubet ndërkohë janë duke punuar për ta finalizuar në letër marrëveshjen dhe më pas ta zyrtarizojnë atë me nënshkrimin e futbollistit.
Përfaqësuesi francez ka vendosur t’i bashkohet kampionit spanjoll dhe evropian, përkundër interesimit të klubeve të tjera të mëdha evropiane si Liverpool, Manchester United dhe Paris Saint-Germain, përcjell Gazeta Express.
22 vjeçari është njëri prej futbollistëve që pritet të kenë karrierë të suksesshme dhe në “Santiago Bernabeu”, Tchouameni mund të bëhet yll i futbollit botëror.
