Ushtria ukrainase thotë se ka shtyrë anijet ruse më shumë se 100 km nga bregu i Detit të Zi të Ukrainës, ku anijet e Moskës kanë kryer një bllokadë detare prej javësh, transmeton InLajmi.
“Si rezultat i veprimeve tona aktive që synonin mposhtjen e forcave detare të armikut, grupi i anijeve të flotës ruse të Detit të Zi u largua nga brigjet e Ukrainës”, tha Ministria e Mbrojtjes së Ukrainës në Telegram.
“Ne i kemi hequr flotës ruse kontrollin e plotë mbi pjesën veriperëndimore të Detit të Zi, e cila është kthyer në një “zonë gri”, tha ministria, duke shtuar se Moska aktualisht po përpiqet të rimarrë kontrollin atje.
Por sipas Kievit, “kërcënimi i sulmeve me raketa ruse nga deti mbetet”, shkruan BBC.
Marina e Ukrainës ka pasur disa suksese të mirëpublikuara në luftë, më së shumti duke fundosur kryqëzorin Moskva, flamuri i flotës së Detit të Zi të Moskës./InLajmi/
