Mungesa e ujit të pijshëm në Mariupol është tani në një nivel kritik, sipas një këshilltari ukrainas, transmeton InLajmi.
Petro Andrushenko tha se njerëzit duhej të regjistroheshin për të marrë ujë të pijshëm dhe mund ta marrin atë vetëm çdo 2 ditë.
Dëmet në Mariupol gjatë më shumë se 2 muajve të bombardimeve ishin aq të rënda saqë shumica e shërbimeve bazë, si energjia elektrike, gazi dhe uji me tubacione, nuk janë rikthyer ende nga autoritetet lokale të mbështetura nga Rusia, shkruan CNN.
“Sasia e ujit ishte e vogël më parë, por tani është ulur fare. Është e nevojshme të regjistroheni në radhë … Në të ardhmen, temperatura do të rritet, niveli i ujit do të bjerë dhe uji do të jetë më pak.” /InLajmi/
