Deputeti i Partisë Demokratike të Kosovës, Elmi Reçica ka njoftuar se subjekti politik të cilit i takon ka qenë në Zurich, për të marr pjesë në mbledhjen e Këshillit të Degës së PDK-së, përcjell InLajmi.
Reçica ka njoftuar se me këtë rast u zgjodh kryesia e degës, pjesë e së cilës u bënë veprimtarë të shquar të çështjes kombëtare, profesorë të nderuar e studentë të dalluar.
Tutje ai ka thënë se Partia Demokratike e Kosovës gjithnjë e më shumë po forcohet në mërgatë.
Postimi i plotë, i tij:
Mbrëmë, së bashku me nënkryetarin e PDK-së, Uran Ismailin, ishim në Zürich ku morëm pjesë në mbledhjen e parë të Këshillit të Degës së PDK-së për Zvicër. Me këtë rast u zgjodh kryesia e Degës, pjesë e së cilës u bënë veprimtarë të shquar të çështjes kombëtare, profesorë të nderuar e studentë të dalluar.
Partia Demokratike e Kosovës gjithnjë e më shumë po forcohet në mërgatë, duke i dhënë kështu fokus të veçantë rikthimit të madh dhe ndërtimit të strukturave të saj në të gjitha shtetet ku jetojnë mërgata jonë!/InLajmi/
