Ushtruesi i detyrës së OVL-së, Faton Klinaku ka folur në një konferencë për media ku ka thënë se krerët e shtetin nuk kanë nevojë ti vizitojnë krerët e UÇK-së në Hagë, raporton InLajmi.
“Ka një muaj që Qeveria e di qe ne do të bëjmë protestë. Ditëve të fundit po luftojnë se cili po shkon më shumë t’i vizitojë krerët apo pjesëtarët e UÇK-së në Hagë dhe cili do të shkojë t’i vizitojë gjë që s’bëjnë asgjë me këto vizita por qëllimin kryesor e kanë që nëse dalim në protestë ne, ta trullosin opinionin që të mos dalë masa në protestë se gjoja se qenkan për UÇK-në. Ata s’kanë nevojë të bëjnë mbështetje me vizita atje, ata kanë nevojë t’i kryejnë obligimet ligjore që i kanë si shtet, në qoftë me ato pagesa që duhet t’ua kryejnë apo shërbimet e avokatëve, apo vizitat familjare sepse krerët dhe pjesëtarët e UÇK-së kanë nevojë që t’i vizitojnë vetëm familja, por shteti si shtet duhet të kujdeset për ta”, ka thënë Klinaku.
Tutje Klinaku ka thënë se krerët e shteti nuk kanë nevojë ti vizitojnë të akuzuarit ne Hagë, por kanë nevojë t’i kryejnë obligimet ligjore që i kanë si shtet.
Sipas Klinakut veteranët do të protestojnë të hënën e ardhshme për ta kundërshtuar Ligjin për pagën minimale./InLajmi/
