Ish-kryeministri i Kosovës, Avdullah Hoti, ka pritur në takim zëvendëspresidentin e Federatës së Odave Izraelite të tregtisë, Roy Roznek, përcjell InLajmi.
Hoti tha se në këtë takim kanë biseduar për mundësitë e bashkëpunimit me kompanitë kosovare në Izrael dhe investimin e tyre në Republikën e Kosovës.
Gjithashtu, Deputeti i LDK-së, ka thënë se ka kërkuar nga Roznek, marrëveshjen për eliminimin e taksës së dyfishtë dhe heqjen e vizave.
Postimi i plotë i tij:
Sot, me kënaqësi prita në takim në zyren e Grupit Parlamentar të Lidhjes Demokratike të Kosovës, zëvendëspresidentin e Federatës së Odave Izraelite të tregtisë (FICC), Roy Roznek.
Me Roznek biseduam për mundësitë e bashkëpunimit me kompanitë kosovare në Izrael dhe investimin e tyre në Republikën e Kosovës.
Nevoja që të krijohen kushtet e nevojshme për investime të 2 vendeve ishte tema kryesore dhe para tij shtrova kërkesat për marrëveshjen për tregtinë e lirë, eliminimin e taksës së dyfishtë dhe heqjen e vizave që janë ndër elementet kryesore që do të thellonin bashkëpunimin ekonomik mes 2 vendeve.
Në këtë takim biseduam për mundësitë që kemi si vend dhe nevojën për investim në Kosovë sepse të rinjtë tanë janë një vlerë e jashtëzakonshme që mund ta dëshmojnë me përkushtim dhe punë potencialin e tyre.
U zotuam se do të punojmë që të ketë lehtësira që shteti i Izraelit të jetë një mundësi për studim dhe punësim për të rinjtë tanë. /InLajmi/
