Presidentja e Kosovës, Vjosa Osmani, ka marrë pjesë në ceremoninë e ish-Presidentit të Shqipërisë, Bujar Nishanit, i cili u nda nga jeta ditë më parë, përcjell InLajmi.
Osmani tha se Nishani është angazhuar tërë jetën e tij për kombin shqiptar si President i Shqipërisë.
Gjithashtu Presidentja u shpreh se ai është kujdes që Kosova të mbahet lart në agjendën e tij shtetërore.
Postimi i plotë i saj:
Sot ia dhamë lamtumirën e fundit ish-Presidentit të Shqipërisë, Bujar Nishanit, i cili u nda nga jeta ditë më parë.
Në emër të qytetarëve të Kosovës u përkulëm para arkëmortit të Presidentit, shtetarit të paepur, njeriut të urtë e dinjitar, qytetarit të ndershëm e atdhetarit të përkushtuar.
Ai u angazhua tërë jetën për shtetin e kombin shqiptar. Si President i Shqipërisë, ai u kujdes gjithnjë që Kosova të mbahet lart në agjendën e tij shtetërore.
Populli i Kosovës dhe institucionet e saj do ta kujtojnë përherë me mirënjohje të thellë.
I përjetshëm kujtimi për Presidentin Nishani! /InLajmi/
