Kryeministrja e Suedisë, Magdalena Andersson tha të mërkurën se dialogu me Turqinë në lidhje me anëtarësimin e Suedisë në NATO do të vazhdojë dhe Suedia do t’i përgjigjet drejtpërdrejt Turqisë për të zgjidhur çdo “keqkuptim” të mundshëm, transmeton InLajmi.
“Ne kemi pasur diskutime, dialog me Turqinë, dhe ky dialog do të vazhdojë përpara, dhe mezi pres takime të mëtejshme konstruktive së bashku me Turqinë në të ardhmen e afërt,” tha Andersson.
“Përgjigjet tona ndaj kërkesave dhe gjithashtu pyetjeve nga Turqia, do t’i marrim drejtpërdrejt me Turqinë dhe gjithashtu sigurisht do të zgjidhim çdo çështje apo keqkuptim që mund të ketë,” shtoi ajo, shkruan CNN.
Gjatë takimit të tyre, Andersson dhe Guterres gjithashtu diskutuan për agresionin brutal të Rusisë kundër Ukrainës. /InLajmi/
