Ministrja e Arsimit, Shkencës dhe Teknologjisë, Arbërie Nagvaci ka uruar fëmijët në ditën ndërkombëtare të tyre, përcjell InLajmi.
Nagavci ka thënë se fëmijët janë gëzimi dhe e ardhmja jonë, prandaj sipas saj përkujdesja dhe mbrojtja e të drejtave të tyre u takon të gjithëve.
Tutje Nagavci ka thënë se politikat e ministrisë të cilën ajo e udhëheqë arsimore janë gjithё pёrfshirёse, ofrojnë mundësi tё barabarta nё arsim pёr tё gjithё, pa dallim e diskriminim.
Postimi i plotë, i saj:
Për më të vegjëlit tanë, urime 1 Qershori – Dita Ndërkombëtare e Fëmijëve!
Fëmijët janë gëzimi dhe e ardhmja jonë, andaj përkujdesja dhe mbrojtja e të drejtave të tyre na takon të gjithëve.
Sot, në shënimin e kësaj dite, bashkë me Qendrën për Hulumtime Psiko-Sociale dhe Mjekësore, organizuam Konferencën Ndërkombëtare për Shëndetin, Mirëqenien, Edukimin dhe të Drejtat e Fëmijëve.
Politikat tona arsimore janë gjithёpёrfshirёse, ofrojnё mundёsi tё barabarta nё arsim pёr tё gjithё, pa dallim e diskriminim. Atё qё duhet ta mёsojnё fёmijёt tanё nё shkolla, duhet tё reflektohet nё sjelljet e shёndosha, qёndrimet dhe vlerat e mirёfillta tё qytetёrimit demokratik.
Nuk janё kёto vetёm deklarata nё kёtё ditё tё shёnuar, por ne kemi veprime konkrete drejt arritjes sё rezultateve nё fuqizimin e sistemit tё mbrojtjes sё fёmijёve, gjithnjё brenda detyrimit tonё ligjor. Kemi politika tё qarta pёr rritjen e cilёsisё nё arsim, pёrkushtim nё parandalimin e dhunёs, braktisjes, punёve tё rrezikshme pёr fёmijёt, si dhe dukurive negative qё dëmtojnë jetën dhe zhvillimin e fёmijёve.
Krahas veprimeve në fushën e legjislacionit, kemi punuar ngushtë në rritjen e punësimeve të asistentëve për fëmijët me aftësi të kufizuar, kemi ndërmarrë masa stimuluese si: bursa për nxënësit e komuniteteve romë, ashkalinjë e egjiptas, subvencionuam 15 organizata në mbështetje të komuniteteve dhe aktiviteteve psiko-sociale në shkolla.
Së fundi kemi marrë iniciativën dhe do ta konsolidojmë Forumin Nacional, Këshilldhënës e Mobilizues për zbatimin e politikave të mbrojtjes së fëmijëve, përfshirë përcjelljen e situatës së sigurisë, parandalimin e dhunës e rritjen e mirëqenies.
Kemi edhe shumë punë që planifikojmë t’i bëjmë në avancimin dhe realizimin e të drejtave të fëmijëve. Për sigurinë dhe mirëqenjen e tyre, asnjëherë nuk është mjaftueshëm, asnjëherë nuk duhet ndalur./InLajmi/
