Gazetari Lirim Mehmetaj, ka thënë se Prokuroria Speciale me qëllim po i përdor shprehjet “krimet e UÇK-së” në gjykimin kundër krerëve të UÇK-së që po mbahet në Hagë.
Mehmetaj shton se i gjithë zinxhiri strukturor i UÇK-së është gjykuar në Hagë.
Ai shton se duhet të kuptohet një gjë, se në këtë proces gjyqësor nuk po gjykohen individët.
“Cilat pjesë të zinxhirit strukturor, nëse ka pasur strukturë, po mbetet pa u gjykuar? Përtej njerëzve, hajde ta zëmë se dikujt nuk i intereson asnjë individë, aty është në pyetje lufta e Kosovës. Njerëzit duhet ta kuptojnë se po gjykohet UÇK-ja”, thotë ai.
“Kjo nuk ka lidhje me individë. Po gjykohet UÇK-ja”, shton ai.
Ai tutje citon edhe prokurorin special, Jack Smith, për të cilin thotë se e përmend shpesh fjalinë “krimet e UÇK-së”, shkruan Gazeta Express.
”Qysh e interpreton Jack Smithin në seancë kur e thotë krimet e UÇK-së”, shton ai
